Tragjedia e ndodhur pasditen e djeshme në kufirin mes Anglisë dhe Francës ka risjellë në vëmendjen e autoriteteve numrin e shtuar të kërkesave për azil. Sipas mediave britanike shifrat tregojnë se kërkesat për azil në Mbretërinë e Bashkuar janë rritur me një të pestën në një vit mes kalimeve rekord me varka të vogla. Sipas një raporti të Ministrisë së Brendshme, kishte më shumë se 37,500 aplikime për 44,000 burra, gra dhe fëmijë gjatë vitit deri në shtator, kryesisht nga Irani, Eritrea, Shqipëria, Iraku dhe Siria.
Rritja e aplikimeve ka të ngjarë të lidhet pjesërisht me lehtësimin e kufizimeve globale të udhëtimit që ishin në fuqi për shkak të pandemisë Covid-19 dhe një rritje të mbërritjeve të anijeve të vogla në Mbretërinë e Bashkuar. Numrat u publikuan në mëngjes pasi të paktën 27 persona u mbytën pasi një gomone në brigjet e Francës, duke e shtyrë sërish qeverinë britanike të ndryshojë qasjen e saj "mizore dhe joefektive" ndaj kalimeve. Dy të tretat e azilkërkuesve morën azil ose masa të tjera mbrojtëse pas aplikimit të tyre të parë ndërsa të tjerët hoqën refuzimet fillestare në procesin e apelimit. Statistikat zyrtare duket se kundërshtojnë pretendimet e përsëritura të Sekretarit të Brendshëm se 70 përqind e njerëzve që mbërrijnë me varka të vogla janë "migrantë ekonomikë".
Sipas ligjit të Mbretërisë së Bashkuar, kushdo që aplikon për azil në MB duhet të jetë fizikisht i pranishëm në vend dhe nuk ka vizë azili.
Burimi:theindependent Përktheu dhe përshtati:JOQ ALBANIA
