Allison Heagle, 20 vjeç, nga Arizona, takoi një burrë të moshuar, kur ajo ishte vetëm 15 vjeç dhe sapo kishte filluar një punë të lehtë që i lejohej moshës së saj. 20-vjeçarja ka rrëfyer së fundmi për mediat e huaja se është trafikuar për tre vite me radhë nga ky koleg në punë. Ajo ka shtuar se merrte drogë dhe pinte alkool në mënyrë që të mos kuptonte asgjë.
Duke kujtuar herën e parë që kaloi një mbrëmje me dhunuesin, Allison pretendoi se ai e futi atë përmes dritares së shtëpisë së prindërve të tij, përpara se t'i jepte sasi të bollshme alkooli në mënyrë që ajo 'mezi të ecte'. Ajo pretendon se kur u kthye, e gjeti veten të zhveshur. Allison tha se ishte ky momenti kur filloi kalvari i tmerrshëm tre-vjeçar.
Megjithatë, pika e kthesës erdhi kur një burrë mbërriti për të instaluar kamera në një Airbnb ku ajo mbahej rob. Duke kuptuar se ajo ishte në telashe, ai i dha asaj numrin e tij të telefonit dhe i kërkoi t'i dërgonte mesazh adresën e saj nëse ajo kishte ndonjëherë nevojë për ndihmën e tij. Dy ditë më vonë, ai mesazh u shkëmbye dhe ai e ndihmoi të arratisej. Sipas Allison, ishte pikërisht në kohën e duhur.
