Futbollisti i Manchester Cityt, Benjamin Mendy është akuzuar sot për dy përdhunime të tjera pasi një grua tjetër doli dhe e akuzoi atë se e kishte sulmuar. Ylli francez, 27 vjeç tani ka gjashtë akuza për përdhunim dhe një akuzë për sulm seksual, ndërsa viktimat pretendojnë se janë abuzuar në rezidencën e tij prej 5 milionë paundsh në Prestbury, Cheshire.
Shërbimi i Prokurorisë së Kurorës thotë se akuzat kanë të bëjnë me katër gra mbi moshën 16 vjeç, të cilat pretendojnë se janë sulmuar midis tetorit 2020 dhe gushtit 2021. I bashkëakuzuari i Mendy, Louis Saha Matturie, 40 vjeç, nga Eccles, Greater Manchester, është akuzuar sot për dy akuza shtesë për përdhunim dhe një akuzë për sulm seksual. Kjo do të thotë se ai është gjithashtu i akuzuar për gjashtë akuza për përdhunim dhe një sulm seksual. Të dy personat janë thirrur të paraqiten nesër në Gjykatën e Magjistraturës së Stokportit. Një gjyq është caktuar për në janar të vitit të ardhshëm, por tani mund të shtyhet nga akuzat e reja.
Mendy nga Prestbury, Cheshire, i cili u transferua te kampionët në fuqi për 52 milionë paund në 2017, ka qenë në paraburgim në Altcourse në Liverpool pasi u akuzua fillimisht për sulme seksuale në gusht. Një gjykatë mësoi se sulmet e supozuara thuhet se kanë ndodhur në adresën e shtëpisë së tij në Prestbury. Mendy u pezullua nga Manchester City pasi u akuzua nga policia, në pritje të një hetimi. Matturie është gjithashtu në paraburgim. Të dy janë planifikuar të dalin në gjyq më 24 janar 2022.
Burimi:dailymail Përktheu dhe përshtati:JOQ ALBANIA