Disa lajme tronditëse vijnë nga Spanja pasi thuhet se Sergio Aguero mund të mos luajë më futboll pasi u diagnostikua me një sëmundje të zemrës. Sulmuesi i Barcelonës vuan nga aritmia kardiake e njohur ndryshe si rrahje e çrregullt e zemrës, dhe u detyrua të largohej nga fusha me vështirësi në frymëmarrje në barazimin 1-1 me Alaves. Një deklaratë e bërë nga Barcelona më 1 nëntor thoshte:
Por Catalunya Ràdio raporton se është një shkallë skepticizmi rreth rikuperimit të Agueros dhe ka frikë se mund të mos e shohim më argjentinasin në fushë. Aguero nuk është i vetmi lojtar i Barcelonës që po lufton me një sëmundje të zemrës pasi edhe Caroline Graham Hansen është larguar nga fusha duke u ankuar për dhimbje gjoksi. Por gjendja e saj është pak më ndryshe, me 26-vjeçaren që ka një aritmi beninje, që do të thotë se së shpejti mund t'i rikthehet aktivitetit fizik.
Aritmia e Agueros nuk është beninje dhe problemet e zemrës së tij konsiderohen të jenë më komplekse dhe serioze. Asnjë vendim nuk është marrë ende për të ardhmen e Agueros dhe raporti sugjeron se ai do t'i nënshtrohet testeve të stresit për të parë se si do të zhvillohet. Është një periudhë shqetësuese për 33-vjeçarin, i cili është padyshim një nga sulmuesit më të mirë të brezit të tij. Sulmuesi iu bashkua Barcelonës në një transferim të lirë në korrik dhe shënoi golin e tij të parë për klubin në humbjen 2-1 ndaj Real Madridit muajin e kaluar.
Le të shpresojmë që Sergio të kthehet sërish në fushë shumë shpejt.
