PSG e pakënaqur me Messin, klauzola e kontratës së tij ‘e palogjikshme’ për parisienët

Shefi i Paris Saint-Germain , Leonardo ka shprehur zhgënjimin e tij për vendimin e Argjentinës për të thirrur Lionel Messin, pavarësisht problemeve të tij të fundit me lëndime. 34-vjeçari ka munguar në dy ndeshjet e fundit të skuadrës së tij për shkak të 'dhimbjeve të gjurit dhe kofshëve'. Messi është kapiteni i vendit të tij dhe do të bashkohet me skuadrën për ndeshjet e ardhshme kualifikuese të Kupës së Botës kundër Brazilit dhe Uruguait. Ai ka një klauzolë në kontratën e tij që thotë se do t'i japë përparësi ndeshjeve ndërkombëtare ndaj klubit dhe Leonardo është qartë i irrituar nga situata.

Ne nuk pajtohemi ta lejojmë të shkojë në Kombëtare një lojtar i cili nuk është i shëndoshë të luajë për ne dhe është në fazën e rehabilitimit. Nuk është logjike, dhe këto lloj situatash meritojnë një marrëveshje të vërtetë me FIFA-n.

Messi ka pasur një fillim zhgënjyes të karrierës së tij në Paris, duke u paraqitur në vetëm tetë ndeshje në të gjitha garat. PSG është në krye të tabelës së ligës me 31 pikë nga 12 ndeshje, tetë pikë më shumë se Nice e vendit të dytë.