Organizata Botërore Meteorologjike paralajmëron ndryshime të pakthyeshme klimatike. Deri në vitin 2030, 118 milionë njerëz jashtëzakonisht të varfër, që jetojnë me më pak se 1,90 dollarë në ditë do të “ekspozohen’ ndaj thatësirës, përmbytjeve dhe nxehtësisë ekstreme. Sipas OKB-së, akullnajat e famshme të Afrikës do të zhduken në dy dekada, ndërsa ndryshimi i klimës mund të zvogëlojë kontinentin afrikan me 3% deri në mesin e shekullit.
Raporti i fundit mbi klimën e Afrikës, i përpiluar nga Organizata Botërore Meteorologjike në bashkëpunim me Bashkimin Afrikan, paraqet një pamje të zymtë të aftësisë së kontinentit afrikan për t'u përshtatur me fatkeqësitë natyrore në rritje. Sipas të dhënave, 2020 ishte viti i tretë më i ngrohtë i regjistruar në Afrikë në krahasim me 3 dekadat para vitit 2010.
Afrika, e cila përbën më pak se 4% të emetimeve të gazrave serrë, pritet prej kohësh të goditet rëndë nga ndryshimet klimatike. Toka e saj e punueshme tashmë është e prirur ndaj thatësirës, shumë prej qyteteve të saj të mëdha janë bregdetare dhe nivelet e larta të varfërisë e bëjnë më të vështirë për banorët të përshtaten.
Burimi: www.protothema.gr| Përktheu dhe përshtati: JOQ ALBANIA