JOQ Albania
App Store
SHKARKO
Home
JOQ Albania

Putin i sëmurë rëndë? Presidentin rus e “mbyt” kolla gjatë takimit
Shkruar nga: N Hoxha | Publikuar më: 13/10/2021 18:23

  • Share
  • Share
  • Share
  • Share

Gjatë një takimi televiziv me disa zyrtarë, presidenti rus Vladimir Putin u dëgjua të kollitej në mënyrë të vazhdueshme. Kjo gjë nxiti dyshime se ai mund të jetë i sëmurë dhe i prekur nga Covidi, por shefi i Kremlinit tha se ishte thjesht ishte ftohur. Ai tha se ishte mirë dhe se po testohej çdo ditë për jo vetëm Covid, por të gjitha infeksionet e tjera dhe gjithçka ishte në rregull.

"Mos u shqetësoni, gjithçka është mirë. Ata më testojnë praktikisht çdo ditë jo vetëm për Covid-19, por për të gjitha llojet e infeksioneve të tjera, kështu që gjithçka është mirë"- u përgjigj kreu i Kremlinit kur Valentina Matviyenko, kryetare e dhomës së sipërme të parlamentit, shprehu shqetësimin për shëndetin e tij. Megjithatë ka dyshime se Putin, i cili pak ditë më parë festoi ditëlindjen e 69-të, është i sëmurë por kjo gjë po mbahet e fshehtë.

Sipas të dhënave nga Organizata Botërore e Shëndetësisë, Rusia ka regjistruar më shumë se 7.7 milion raste me COVID-19 që nga fillimi i pandemisë dhe mbi 200 mijë viktima.

Burimi: ahmedabadmirror | Përktheu dhe Përshtati: JOQ Albania