Humbja e Kombëtares ditën e djeshme, mërziti pamasë gjithë shqiptarët, pasi pritshëmritë ishin të mëdha. Mirëpo, ata që e kanë përjetuar më keq ishin tifozët e vegjël, fëmijët, të cilët me pafajsinë e tyre, nuk e marrin çdo gjë si pjesë të lojës, por preken.
I tillë ka qenë rasti i një tifozi të vogël në shkallët e stadiumit, i cili pas golit të Polonisë ka shpërthyer në lot. Videoja është bërë virale në rrjetet sociale. Tifozi, i cili duket me origjinë nga Kosova, nuk i mban dot lotët edhe pse të afërmit përpiqen ta qetësojnë.
Kujtojmë se Shqipëria luajti dje ndeshjen me Poloninë, të cilën e humbi me rezultatin 1-0. Goli nga polakët u shënua në pjesën e dytë, pas një gabimi në mbrojtje.