Detaje të reja janë mësuar në lidhje me plagosjen e 20-vjeçares Kostandina Zanaj para pak ditësh në Vlorë nga ish-i dashuri i saj. 30-vjeçari shkodran, Fadil Nikaj dhe e reja nga Berati kishin qenë të lidhur bashkë, por ditën që ndodhi ngjarja vajza kishte kërkuar të ndahej prej Nikës. Sipas "GazetaPanorama", ditën që ka ndodhur ngjarja Fadil Nikaj kishte shkuar për të takuar 20-vjeçaren në Vlorë për t'i propozuar asaj për fejesë pasi kishte edhe një unazë me vete. Por në momentin që vajza i ka kërkuar të ndahet ai ka hedhur një granatë në lokal dhe kur e ka parë që ajo s'ka shpërthyer ai e ka qëlluar me armë vajzën.
Fatmirësisht vajza ka marrë vetëm një gërvishtje të lehtë në këmbë dhe tani ndodhet në gjendje të mirë shëndetësore, ndërsa i riu nga Shkodra është arrestuar.