Vlora Hyseni, ish-drejtoresha e Agjencisë Kosovare të inteligjencës, post të cilin e mbajti disa muaj për t’u shkarkuar më pas nga kryeministri Albin Kurti dhe presidentja Vjosa Osmani, për arsye të paditura, Express raporton se ka zënë krah tek Rama, i cili e ka emëruar këshilltare të tij. Sipas atyre që u deklaruan në momentin e shkarkimit të saj, thuhet se Hyseni duhet të ruajë informacionet e klasifikuara gjatë ushtrimit të detyrës dhe pas saj. Vajza nga Kosova, përshkruhet si eksperte dhe njohëse shumë e mirë e çështjeve të sigurisë dhe marrëdhënieve ndërkombëtare dhe sipas një citati të ish-eprori i lartë i UÇK-së dhe ish-agjenti i SHIK-ut, Naim Miftari, ajo “ka qenë një nga lodrat e Thaçit, Veselit dhe Reçicës në AKI”. Pse pikërisht Rama mori Vlora Hysenin, sipas atyre që thuhen për të, një njohëse shumë të mirë të çështjeve të sigurisë dhe marrëdhënieve ndërkombëtare pikërisht në këtë moment kur marrëdhëniet e Serbisë dhe Kosovës janë tejet të tensionuara?! Burime për JOQ, bëjnë me dije se Hyseni ka qenë propozim i Baton Haxhiut, krahut të djathtë të Ramës.
