Situata e krijuar mes Serbisë dhe Kosovës për reciprocitetin e targave ka marrë edhe vëmendjen e mediave ndërkombëtare. Prestigjiozja gjermane "Bild" e konsideron serioz kërcënimin e Serbisë për Kosovën, e cila i ka dhënë një ultimatum 24-orësh NATO-s për të ndërhyrë. "Serbia e kërcënon Kosovën me luftë, ultimatum 24-orësh për NATO-n"- shkruhet në faqen e parë të gazetës gjermane. Në artikullin e saj, gazeta i druhet një konflikti të armatosur mes dy vendeve, ku Serbia ka përkrahjen e Rusisë ndërsa Kosova po mbrohet nga NATO.
Mbrëmjen e djeshme Serbia bëri lëvizjen e radhës duke vënë në gatishmëri një pjesë të ushtrisë së saj. Tensionet janë krijuar për shkak se që prej mesit të shtatorit, serbëve që futen në Kosovë iu është kërkuar të ndërrojnë targat e tyre të automjeteve me të përkohshme kosovare.
"Serbët e Kosovës po bllokojnë dy rrugë të rëndësishme për në Mitrovicë, qytetin më të madh të pakicës serbe në Kosovë. Dikush mund të mendojë se nuk ka asgjë për t’u shqetësuar por në Beograd i cili ka edhe mbështetjen e Moskës gjërat shihen ndryshe. Ushtria ka disa ditë që lëviz tanket në kufi me Kosovën duke folur për një provokim nga Kosova"– shkruan ndër të tjera Bild.
Burimi: Bild |Përktheu dhe Përshtati: JOQ Albania
