“Më kërkoi t’i bëja disa punime dhe nuk pranova”, flet muratori që u plagos në Theth: Mund të humbas këmbën

Gëzim Ndrezaj 47-vjeçari i cili mbeti i plagosur ditën e djeshme në Theth, ndodhet aktualisht në Spitalin e Traumës pasi ka bërë edhe operacionin në këmbë për nxjerrjen e plumbit. Duke folur për "FaxNews", Ndrezaj ka deklaruar se rrezikon të humbasë këmbën për shkak të kësaj plagosje me armë zjarri nga shtetasi me iniciale K.Ç. Ndrezaj ka treguar se punon si murator dhe shkaku i kësaj ngjarje e cila mund të kishte pasoja më të rënda ishte se ai nuk pranoi të bënte një punim që shtetasi K.Ç i kishte kërkuar të bënte.

Zotnia është me probleme psikologjike. Po bëja punë në Thesh, ai erdhi më kërkoi ti bëja disa punime te shtëpia. Unë nuk isha dakord. Më kërcënoi, më tha nëse nuk punon tek unë do të të nxjerr nga Thethi dhe nuk do të dukesh më këtë. Pati një përplasje verbale, pas disa ditësh më zuri pritë, mori automatikun e më qëlloi. Mora një plumb në këmbë. Ia kam treguar policisë detajet dhe e ka shpallur në kërkim e po punon për kapjen e tij. Kam rrezik të humbas këmbën.

Policia ka shpallur në kërkim autorin e kësaj ngjarje por ende nuk dihet asgjë në lidhje me vendndodhjen e tij.