Dhuna dhe keqtrajtimi i kafshëve është kthyer në një fenomen shqetësues në vendin tonë. Raste të tilla si në Durrës, Fier ku persona të ndryshëm tërhiqnin zvarrë pas makinës qenë, helmimi i qenve nga Bashkia e Tiranës apo Gjirokastrës dhe jo vetëm, kanë qenë vërtetë shqetësuese.
Mbrëmjen e sotme ka ndodhur një rast i ngjashëm, ku një person është filmuar duke dhunuar me shkop një qenë brenda një pallati. Rasti në fjalë është publikuar nga “ndihmaekafsheveshqiperi”. Ka qenë një grua, ajo që ka denoncuar të moshuarin, ndërsa ky i fundit ka thënë “çfarë i kam bërë?”.
Në videon në fjalë, shfaqen edhe disa automjete policie të cilat janë duke qarkulluar jashtë pallatit, ndërsa nuk ka detaje të tjera në lidhje me ngjarjen e rëndë. Ndër të tjera, “ndihmaekafsheveshqiperi” kërkon strehim për katërputroshin e dhunuar.
