Ditën e sotme Zvicra mbajti një referendum në lidhje me legalizimin e martesave mes personave të të njëjtës gjini. Më shumë se 60% e popullit votuan pro këtij propozimi, ndonëse nga grupet fetare dhe partitë politike konservatore pati kundërshtime duke thënë se kjo do të minonte familjen tradicionale. Zvicra ka lejuar çiftet e të njëjtit seks të regjistrojnë partneritet mes tyre që nga viti 2007, por disa të drejta janë të kufizuara. Tashmë çiftet e të njëjtit seks do të jenë në gjendje të adoptojnë fëmijë që s'kanë lidhje gjaku me ta. Gjithashtu, një çift lesbikesh të martuara, mund të kenë fëmijë me anë të një dhuruesi. Anëtarët e kongregacioneve kristiane dhe disa politikanë të së djathtës popullore, ishin kundër. Monika Rueegger, shefja e Partisë Popullore Zvicerane, u shpreh e zhgënjyer nga ky rezultat.
Kujtojmë se shumica e vendeve në Europën perëndimore, e kanë njohur martesën e të njëjtit seks, por në Zvicër shumë vendime të mëdha shkojnë në një votim mbarëkombëtar popullor, apo siç njihet ndryeshe edhe si referendum.
Burimi: BBC| Përktheu dhe Përshtati: JOQ Albania
