Maqedonia e Veriut ditën e hënë nis aplikimin e dozës së tretë të vaksinës anti Covid tel qytetarët mbi 60 vjeç, punonjësit shëndetësor dhe personat me sëmundje imunologjik.
Lajmi është bërë i ditur përmes një deklarate për mediat nga ministri i Shëndetësisë venko Filipçe.
“Qytetarët mbi 60 vjet, sipas kohës se kur e kanë pranuar dozën e dytë të vaksinës do të marrim mesazh për vaksinim, kurse mesazhi do të rikujtim se do të mund të vaksinohen në vendin më të afërt”, ka thënë Filipçe.
Duke u përgjigjur në pyetje të gazetarëve për skriningun në shkolla, Filipçe theksoi se me siguri do të fillojë pas 2 javëve.
“Unë besoj se përgatitjet do të përfundojnë këtë javë dhe se javën e ardhshme do të mund ta fillojmë me testim. Qëllimi është që të zbulohen bartësit eventual asimptomatik të virusit”, tha mes tjerash Filipçe.
Me dozën e tretë do të vaksinohen të gjithë qytetarët mbi 60 vjeç, punonjësit shëndetësor, pacientët të cilët kanë transplantime të kryera, janë në dializë apo kanë imunitet të dobët, e të cilët kanë kaluar 6 muaj që nga marrja e dy dozave të para të vaksinës.
Vendimi për dozën e tretë edhe në Maqedoni vjen pas rekomandimit të Agjencive evropiane dhe amerikane të Ilaçeve si dhe analizave të cilat janë bërë gjatë periudhës së shkuar. Komiteti për imunizim ka vendosur që doza e tretë të jetë me Pfizer pavarësisht se me cilën vaksinë paraprakisht është imunizuar personi i caktuar.
Për vaksinimin me dozën e tretë qytetarët do të njoftohet me SMS porosi në të cilën do ju caktohet termin, njëjtë sikur procesi i vaksinimit në fillim me grupet kritike të qytetarëve.
