Në eventin elitar, i mbajtur dje në stadiumin e Tottenham, pas boksierit shqiptar, Florian Marku, ishte radha e përballjes Callum Smith vs Lenin Castillo e cila përfundoi shumë shpejt por në mënyrë dramatike. Smith në raundin e dytë i dha kundërshtarit një grusht të fuqishëm, çka bëri që Castillo të përfundonte në tapet duke u dridhur.
Pas kësaj, u kërkua menjëherë ndihma e mjekëve, të cilët i vendosën boksierit oksigjenin, duke e rikthyer atë në gjendje normale. Për t’u vlerësuar është fakti që DAZN, largoi pamjet në momentin kur ekipi mjekësor po jepte ndihmën me oksigen për Lenin Castillo i cili më pas e mori veten.
