Kryeministri i Kosovës, Albin Kurti, i është përgjigjur ministrit të Brendshëm serb, Aleksandar Vulin, i cili sot gjat ditës e quajti “budalla që po nxit luftë”. Kurti në një konferencë për media tha se mjafton të thuhet për të se ai ka qenë zëdhënës i partisë së gruas së Millosheviqit, Mira Markoviq.Sipas tij, kjo e shpjegon krejt situatën kur vije puna tek ai.“Së pari, fluturaket serbe, helikopterët dhe avionët rus janë përgjigje edhe ndaj zyrtarit të lartë amerikan që tha se s’bën të militarizohet situata. Këtu thuhet se nuk e kanë veç me ne. Mjafton të thuhet për të që ka qenë zëdhënës i partisë së gruas së Millosheviqit, Mira Markoviqit. Pra besoj që kjo e shpjegon plotësisht se për kë bëhet fjalë, dhe çka thotë kur thotë ai atë që ju e parafrazuar”, ka thënë ai.