Numri i vendeve të lira të punës në Mbretërinë e Bashkuar është rritur javët e fundit, me gati dy milionë pozicione të lira në dispozicion. Industritë po goditen rëndë nga mungesa e stafit, me më shumë se 100,000 njerëz të nevojshëm vetëm në sektorin e transportit. Disa punonjësve po u ofrohen paga sa dyfishi i normës së zakonshme në përpjekje për të shtyrë njerëzit që të aplikojnë për punë. Problemet janë shkaktuar nga Brexit dhe Covid dhe mungesa më e madhe ndihet tek punëtorët e huaj, raporton metro.
Mësuesit, punonjësit e kujdesit, kuzhinierët dhe pastruesit janë vendet që duan më shumë punonjës. Në këto pozicione, janë me dhjetëra mijëra vende pune, sipas një analize nga Konfederata e Rekrutimit dhe Punësimit (REC). Gjithsej 1,903,045 vende pune ishin në dispozicion në javën mes 13 dhe 19 shtatorit.