Tashmë korridoret e mbushura plot dhe orët e gjata të pritjes janë kthyer në diçka normale në spitalet shqiptare. Janë të pafundme raportimet për raste të tilla, ku qytetarët shprehen të shqetësuar në lidhje me shërbimin që iu ofrohet. Së fundmi një qytetar ka dërguar në redaksinë tonë disa foto nga Spitali Universitar Psikiatrik "Xhavit Gjata" në Tiranë, pranë QSUT. Siç duket edhe nga pamjet situata aty paraqitet e rëndë pasi njerëzit janë të detyruar të presin me orë të tëra në radhë dhe s'kanë as ku ulen, gjë që ia rëndon edhe më tepër gjendjen. Një qytetare shihet e ulur në tokë ndërsa disa të tjerë nëpër shkallët e spitalit të lodhur dhe të stërmunduar nga pritja e gjatë. Pyetja që shtrohet natyrshëm këtu është se ku shkojnë milionat që harxhohen në tenderat e Shëndetësisë, saqë as për disa karrige ose stola nuk është menduar?!
Mesazhi i qytetarit: