Sipas një përfaqësuesi të lartë të talebanëve, gratë afgane nuk duhet të lejohen të punojnë së bashku me burrat, çka bën që ato të ndalohen nga punësimi në zyrat qeveritare, bankat, kompanitë e medias dhe më gjerë. Waheedullah Hashimi, një figurë e lartë e talebanëve i tha Reuters se do të zbatojnë plotësisht Sheriatin, ose ligjin Islam, pavarësisht presionit nga komuniteti ndërkombëtar për t'i lejuar grave të drejtën të punojnë ku të duan. Që kur talebanët erdhën në pushtet muajin e kaluar, ata kanë thënë se gratë do të jenë në gjendje të punojnë dhe studiojnë brenda kufijve të përcaktuar nga sheriati. Por ka pasur një pasiguri të përhapur në lidhje me efektin praktik në aftësinë që do të kenë gratë për të mbajtur punën e tyre. Kur talebanët sunduan për herë të fundit Afganistanin nga 1996-2001, gratë u ndaluan nga punësimi dhe arsimi.
Çështja është e një rëndësie të madhe për bashkësinë ndërkombëtare dhe mund të ndikojë në sasinë e ndihmës që i jepet Afganistanit, i cili është në prag të krizës ekonomike.
Burimi: indiatoday |Përktheu dhe Përshtati: JOQ Albania
