Para pak çastesh ka nisur seanca e tretë parlamentare e Kuvendit dhe kurrsesi nuk kishin si të mungonin dhe polemikat. Në këtë seancë u njoftua se do të jenë katër grupe parlamentare në Kuvend për katër vitet e ardhshme dhe ato do të ndahen mes PS, PD, PR dhe PDIU. Socialistët do të përfaqësohen nga Taulant Balla, pasi mori 72 vota pro dhe asnjë kundër dhe asnjë abstenim. Ndërkohë demokratët i besuan këtë post Alfred Rrushajt dhe grupi i PDIU-së për Demokraci dhe Integrim do të drejtohet nga Mesila Doda. Grupi i fundit do të jetë Aleanca për Ndryshim që do të drejtohet nga kreu i PR-së, Fatmir Mediu. Ndërsa LSI ka mbetur pa asnjë grup parlamentar pasi PD refuzoi t'u jepte borxh deputetët për krijimin e grupit.
Gjatë fjalës së Ballës pati edhe reagime nga ana e opozitës dhe ishte Basha ai që i preu fjalën duke i thënë:
Pusho more ti, dërr dërr aty.