Teksa jemi në muajt e fundit të vitit 2021, gara për golashënuesin më të mirë në botë po “nxehet”. Janë pesë lojtarë që kanë prodhuar shifra fantastike para portës si për klubin ashtu edhe për kombëtare këtë vit kalendarik. Aktulisht lista kryesohet nga ylli i Bayern Munich dhe Polonisë, Robert Leëandoëski, i cili ka 45 gola. Polaku e ka nisur sezonin e ri të Bundesligës në formë fantastike duke shënuar 6 gola në 4 ndeshje.
Në vendin e dytë është norvegjezi Erling Haaland, i cili ka 38 gola. 21-vjeçari gjithashtu e ka nisur mirë sezonin e ri të Bundesligës duke shënuar 5 gola në 4 ndeshje. Në vendin e tretë është Lionel Messi, i cili së fundmi u transferua nga Barcelona te PSG. “La Pulga” ka shënuar 36 gola, ndërsa ende nuk e ka bërë “sefte” me ekipin e ri.
Shoku i Messit te PSG, Kylian Mbappe është dy gola mbrapa me 33 të tillë. Francezi ka shënuar 3 gola në 4 ndeshje të Ligue 1. Vendin e pestë e zë Cristiano Ronaldo i Manchester United, i cili ka gjithsej 31 gola. Ylli portugez kohët e fundit u bë golashënuesi më i mirë i të gjitha kohërave në futbollin ndërkombetar të meshkujve me 111 gola për vendin e tij. Po ashtu ai bëri një debutim ëndrrash kur u kthye në “Old Trafford” duke shënuar dy gola ndaj Newcastle.