Ndonëse në moshën 36-vjeçare Cristiano Ronaldo vijon të befasojë me formën e tij perfekte në fushë. Mbrëmjen e sotme kualifikueset europiane për Botërorin e "Katar 2022" janë rikthyer me surpriza dhe emocione të shumta. Përveç Portugalisë, snjëra prej skuadrave kryesore në Europë nuk ia doli të fitonte. Portugalia fitoi 2-1 në shtëpi ndaj Irlandës, madje Ronaldo në minutën e 15-të humbi një [enallti ndaj portierit 19-vjeçar Bazunu. Ishin miqtë që shënuan të parët golin e avantazhit në minutën e 45-të me Egan. Por në minutat e fundit, Ronaldo bëri ‘çmendurinë’ duke shënuar dy gola, të cilët i dhanë fitoren Portugalisë.
Ndërkohë Franca kaloi një mbrëmje të vështirë në Paris, ku "gjelat" nuk arritën të mernin më shumë se barazim ndaj Bosnje-Hercegovinës. Dzeko shënoi në minutën e 36-të, por Griezmann barazoi 4 minuta më vonë. Gjithashtu barazim përfundoi edhe ndeshja mes Holandës dhe Norvegjisë. Rusia dhe Kroacia u ndanë në ‘paqe’ pa gola. Turqia barazoi gjithashtu ndaj Malit të Zi. Ndërkohë me dy golat që shënoi, Ronaldo theu rekordin botëror në futboll. Ali Daei, i cili shënoi 109 gola për Iranin midis 1993 dhe 2006, mbante deri më sot rekordin të cilin Ronaldo e theu, duke e çuar në 111 gola të shënuar në ndeshjet ndërkombëtare të futbollit.