Sapo është bërë me dije se Juventus ka gjetur zëvendësuesin e Cristiano Ronaldos. Drejtuesit bardhezi kanë arritur akordin për rikthimin e Moise Kean në Torino. Sulmuesi italian pritet të ketë aventurën e tij të tretë në Torino, ndërsa ka mbajtur veshur fanellat e Veronës, Evertonit dhe PSG-së. Ndër të tjera, thuhet se 21-vjeçari pritet të zbarkojë në Torino mbrëmjen e sotme për të pasur një rol prej protagonisti tek Juventusi i Allegrit.
Kean i cili ishte i huazuar tek PSG-ja është rikthyer tek Everton, por duket se skuadra nga Liverpool nuk ka ndërmend ta mbajë lojtarin në skuadër dhe do ta huazojë tek Juventusi. Vlen të thuhet se me ardhjen e Kean nuk pritet të përfundojë merkato e bardhezinjve, pasi drejtuesit më të lartë të klubit po monitorojnë nga afër dhe Gianluca Scamaçan të Sasuolos dhe ish-kapitenin e Interit, i cili është i padëshiruar në Paris, Mauro Icardin.
