Një nga transferimet më të bujshme në historinë e futbollit ishte padyshim edhe kalimi i Leo Messit nga Barcelona te PSG. Pas 21 vitesh “Pleshti” vendosi të largohej nga skuadra ku "u rrit" për ta vijuar karrierën e tij te klubi francez. Transferimi ishte i shpejtë, aq sa ylli argjentinas nuk pati kohë të gjente as shtëpinë në Paris, ku do të jetojë së bashku me familjen. Sipas mediave vendase raportohet se klubi i ka gjetur një zgjidhje të përkohshme, ku Messi është akomoduar në një nga apartamentet më luksoze të Parisit, kostoja ditore e qirasë së të cilit shkon 15.5 mijë euro në ditë. Messi do të qëndrojë atje derisa të vendosë se ku do e marrë shtëpinë e re. Apartamenti ku po qëndron ai bashkë me familjen përbëhet nga 3 dhoma gjumi, 3 banjo, kuzhinë moderne, dhomë të madhe ndenje, dhomë ngrënie dhe palestër.