Deri më tani klubi francez nuk e ka fituar kurrë trofeun e Champions League dhe ky sezon shihet si i duhuri për të realizuar “ëndrrën” e madhe, aq më tepër pas zbarkimit në kryeqytetin francez të Leo Messi, Sergio Ramos, Gigio Donnarumma apo Achraf Hakimi.
Ndërkohë, trajneri Pochettino dhe tifozët janë të lumtur me “goditjet” e klubit në merkato, teksa drejtuesit janë fokusuar te rinovimi me Kylian Mbappe. Mpappe ka edhe një vit kontratë, ndërsa deri tani ka refuzuar ofertat e PSG-së, teksa Real Madrid po pret ta marrë falas verën e ardhshme.
Por, Nasser Al-Khelaifi nuk është dorëzuar dhe ka përgatitur ofertën e radhës, që e zbulojnë në Francë. Le Sport shkruan se presidenti i PSG-së i ofron 22-vjeçarit francez një rrogë prej 36 mln eurosh në sezon për të rinovuar, pra 1 mln euro më shumë se rroga vjetore e Leo Messit.