Presidenti i Venezuelës nuk përmbahet: Qava bashkë me Messin, Barcelona e përdori dhe i dha një shkelm të fortë

Largimi i Lionel Messit nga Barcelona bëri që presidenti i Venezuelës të përlotet. Të dielën Messi nuk i mbajti dot emocionet e tij gjatë konferencës së lamtumirës në Camp Nou, dhe kjo bëri që Nicolás Maduro të përlotej dhe të shprehte pakënaqësitë e tij ndaj klubit të Barcelonës.

Ajo që ata i bënë Messit ishte e shëmtuar. Unë qava përkrah tij. Kur e pashë duke qarë, qava sepse ai ishte një djalë autentik, një triumf i botës së sportit. Dhe atë që ata bënë, drejtuesit e klubit Barcelona nuk mund të përmendet. Ata i dhanë shqelm Messit. E vetmja gjë që ai donte ishte të përfundonte karrierën e tij në klubin e Barcelonës. Nëse ata janë të aftë t’ia bëjnë këtë Messit, i cili është lavdia më e madhe e botës së futbollit, atëherë ata janë të aftë ta bëjnë këtë me çdo person tjetër. Ata e përdorin atë, bëhen miliarderë, bëjnë fushatë për vite me radhë dhe më pas e godasin atë. Çfarë gjëje e trishtuar.

Messi pohoi se ai bëri gjithçka për të qëndruar me Barcelonën për një sezon të 21 -të, përfshirë pajtimin për një ulje të pagës prej 50 përqind në një kontratë të re të mundshme. Por Barcelona tha se pengesat financiare dhe strukturore e përjashtuan klubin nga arritja e një marrëveshjeje me gjashtë herë fituesin e Topit të Artë.

Burimi:nypost Përktheu dhe përshtati:JOQ ALBANIA