Ditën e sotme Lionel Messi u bë zyrtarisht lojtari më i ri i klubit francez PSG pas largimit të tij 21 vjeçar nga Barcelona. Por ardhja e tij në Paris duket se ka ndikuar për mirë për parisienët pasi vetëm ditën e sotme kanë arritur mijëra euro fitime vetëm nga shitja e fanellave me numrin e tij. Paga e Messit thuhet se do të jetë 650,000 £ në javë. Por jo vetëm kaq pasi me rrogën neto prej 35 milion eurosh fatura e pagave te PSG-ja mbërrin në 302 milionë euro dhe lë pas atë të Realit të Madridit (250 milionë euro). Kujtojmë se fatura e Realit pësoi ulje pasi kapiteni i tyre Sergio Ramos u largua në drejtim të Parisit dhe Raphael Varane u transferua te Manchester United.
Ndërsa në vend të tretë si klubet me faturën më të shtrenjtë renditet Manchester United me bilancin e rrogave që u shkon 237 milionë euro. Në vend të katërt zbret Barcelona. Dhe është pikërisht efekti Mesi që sjell një zbritje prej tri shkallësh të klubit katalanas pasi ishin një ndër klubet më të shtrenjta dhe tani vlejnë vetëm 230 milionë euro. Pas katër klubeve të futbollit, vendin e pestë e plotëson skuadra amerikane e bejzbollit, Los Angeles Dogers (227 milionë euro). Juventus renditet në vend të gjashtë me faturën 217 milionë euro, ndjekur nga Bayern Munchen (195 milionë euro) dhe Chelsea (192 milionë euro). Ndërsa dy vendet e fundit sërish janë rezervuar për skuadrat e futbollit amerikan.
Burimi:givemesport Përktheu dhe përshtati:JOQ ALBANIA