Gjithçka është zyrtare! Tanimë Lionel Messi është lojtari më i ri i Paris Saint-Germain dhe vetë klubi francez e ka njoftuar një lajm të tillë. Messi sapo ka mbërritur në Paris ku është pritur nga mijëra fansa jashtë ambienteve të aeroportit. Nga ana tjetër PSG me anë të një videoje të shkurtër në rrjetet sociale ka prezantuar argjentinasin i cili pranoi ofertën e francezëve për një kontratë dy vjeçare. Pak më vonë pritet që Messi t'i nënshtrohet vizitave mjekësore. Messi do te jete pjesë e PSG deri në verën e vitit 2023, ndërkohë që ka klauzolë për zgjatjen e marrëveshjes edhe për një sezon tjetër.
Argjentinasi do të përfitojë 35 milion euro në sezon, shumë që mund të rritet prej bonuseve. Tashmë për Messin nis një epokë e re të PSG, klub që ëndërron të fitojë Champions League.