Një ngjarje tragjike është regjistruar në Rusi, në maj të vitit të kaluar, ndërsa mësohet se një 22 vjeçareje u viktimizua nga një çift. Mësohet se këta të fundit torturuan vajzën e re para se ata ta mbysnin dhe të fshihnin trupin e saj në një valixhe. Bëhet me dije se çifti është burgosur gjatë ditës së sotme, teksa janë identifikuar si Alexander Alexandrov dhe bashkëpunëtorja e tij Anastasia Grivkova.
Personat në fjalë u dënuan secili me 16 vite burg pasi u shpallën fajtor për vrasjen e 22 vjeçares Lauren Morales Fernandez. Gjatë seancës së sotme, u bë e ditur se dyshja kishte mbajtur të mbyllur viktimën e tyre në Moskë dhe kërkonin një shpërblesë prej 400 dollarësh për lirimin e saj por megjithatë Alexandrov e mbyti për vdekje vajzën dhe trupin e futi në një valixhe duke e hedhur më pas në një kontejner mbeturinash.
Pas vrasjes pengmarrësi vazhdonte të negocionte lirimin e saj me mikeshën e viktimës, duke i dërguar asaj foto që kishte bërë kur e mbante vajzën të zhveshur dhe të lidhur. Mikesha e saj po bëhej gati të dërgonte një pjesë të parave por duke kërkuar prova për mbijetesën e Morales Fernandez. Alexandrov më pas kërcënoi se do t’i dërgonte asaj “një vesh dhe një gisht” nëse nuk paguante të gjithë shumën e kërkuar ,madje kishte thënë se do të hiqte organet e viktimës , para se të dërgonte mesazhin e fundit tragjik.
Burimi: thesun.co.uk/Përktheu dhe Përshtati: JOQ Albania
