Detaje të reja janë zbardhur nga operacioni i zhvilluar nē portin e Durrësit ditën e sotme ku u sekuestruan 200 kg kokainë. Mësohet se droga ishte fshehur në tavani e kontenierit me banane që vinte nga Amerika Latine. Mësohet se mbi pakot me kokainë ishte shkruar në spanjisht 'El Mejor" (më e mira) dhe 'Viejon' (i moshuar), teksa kishte si imazh Pablo Escobar. Anija 'Dance' në të cilën ishte ngarkuar konteineri u nis dje nga Pireu, mbërriti sot në Durrës. Kompania, në kontenierët e së cilës u gjetën rreth 200 kg kokainë, kishte selinë në Tiranë dhe bëhet fjalë Massabi Fruits. Nga sa mësohet kjo kompani operonte në treg që prej vitit 2018 me importin e bananeve nga Amerika Latine.
Ka qenë skaneri i kontrollit në portin e Durrësi që ka gjetur sasinë e madhe të kokainës. Ai iu nënshtruar skanerit, pasi u vlerësua si një kontenier me risk. Kokaina ishte e mbështjellë me natriban kaf dhe të zi.
