Detaje të reja janë zbardhur nga ngjarja e rëndë që ndodhi para pak çastesh në fshatin Manskuri të Kavajës. Shtetasi Bilbil Shirja 48 vjeç ka djegur për së gjalli në makinë gruan e tij, Fëllënxa Shirja, 45-vjeçe. Bëhet me dije se çifti kishin një vajzë të martuar dhe një djalë 17-vjeçar. Ndërkohë kanë qenë fqinjët ata që kanë njoftuar policinë menjëherë sapo kanë parë makinën që digjej dhe kur policia ka arritur në vendngjarje ka vënë re dhe trupin e shtetasit Bilbil Shirja të varur mbi pemë.
Ndërsa në momentin që ka ndodhur ngjarja e rëndë djali i çiftit nuk ka qenë në shtëpi. Çifti ishte në proces divorci dhe procesi ishte në gjykatë. Policia dhe grupi hetimor ndodhen në vendngjarje, por janë tepër të rezervuar në lidhje me detajet e kësaj ngjarje e cila ka ndodhur brenda një harku kohor shumë të shkurtër.