Një berber shqiptar u qëllua për vdekje një ditë pasi ai goditi një shqiptar me një shishe pas një konflikti për një grua. Grineo Daka, 27 vjeç, u vra me armë në Klubin Phoenix Snooker në Londrën lindore, më 7 korrik 2019. Vrasësi i tij i dyshuar Jeton Krasniqi, 27-vjeç thuhet se ka hyrë në klub dhe ka qëlluar Dakën pasi kishte marrë armën nga 29-vjeçari Liridon Saliuka. Gjatë seancës gjyqësore, prokurorja Lisa Wilding QC tha se një përleshje shpërtheu pak para orës 3 të mëngjesit dhe u qëllua Daka. Ajo i tha gjykatës se arma ishte ‘kontrabanduar’ brenda nga Saliuka i cili e fshehu atë brenda dy qeseve plastike të cilat më vonë u gjetën dhe kishin shenjat e gishtërinjve dhe mbetjet e armëve.
Dëshmitarët okularë në klub nuk mund të thonë kush ishte ai që qëlloi të shtënat, por prokuroria ka zbuluar se ky person ishte Saliuka i cili qëlloi të paktën katër herë. Kur e bëri këtë ai kishte veshur doreza, që do të thoshte se as ADN-ja e tij dhe as gjurmët e gishtave nuk u gjetën në armë. Një nga të shtënat me armë goditi Grineo Dakën në shpinë dhe depërtoi në gjoksin e tij. Duke përshkruar incidentin e mëparshëm, prokurori tha: 'Grineo Daka kishte qenë në klubin e snooker një natë para se të vritej kështu që mbrëmjen e 5 korrikut, ai ishte përfshirë në një grindje midis mikut të tij dhe një mashkulli tjetër mbi një vajzë dhe Daka e goditi atë me një shishe.
Krasniqi mohon vrasjen dhe plagosjen me qëllim për të shkaktuar dëmtime të rënda trupore. Zonja Wilding shpjegoi se Saliuka ishte akuzuar gjithashtu për vrasje por nuk po gjykohet sepse ai vdiq më 2 janar të vitit të kaluar. Një tjetër shqiptar në bankën e të akuzuarve është Edison Brahimi shërbeu për të larguar nga vendngjarja Krasniqin. Edison Brahimi, 30 vjeç kishte penguar hetimin e policisë, por ai e mohon këtë gjë kështu që gjyqi vazhdon.
Burimi:metro.uk Përktheu dhe përshtati:JOQ ALBANIA
Grineo Daka/ Jeton Krasniqi
