JOQ Albania
App Store
SHKARKO
Home
JOQ Albania

Vrau viktimën derisa ai ishte në gjumë, i therri gruan dhe djalin! Më në fund ngritet aktakuza
Shkruar nga: B Hasi | Publikuar më: 07/04/2021 12:52

  • Share
  • Share
  • Share
  • Share

Prokuroria Themelore në Gjakovë, Departamenti për Krime të Rënda, ka ngritur aktakuzë kundër të pandehurit C.I., për shkak të veprave penale “Vrasje e rëndë”, nga neni 173 paragrafi të KPRK-së, “Vrasje në tentativë”, nga neni 172 lidhur me nenin 28 të KPRK-së, si dhe, “Lëndim i lehtë trupor”, nga neni 185 paragrafi 1 të Kodit Penal të Republikës së Kosovës.

Sipas aktakuzës, në muajin Korrik të vitit 2020, në fshatin Bardhaniq, komuna e Gjakovës, i pandehuri C.I., me dashje, ka privuar nga jeta N.M., në shtëpinë e tij, ku përderisa tani i ndjeri ishte në dhomën e gjumit, i pandehuri e merr në kuzhinë një thikë e një çekan hekuri, ku e përdorë për ta hapur derën e dhomës, dhe e godet atë me thikë disa herë në kokë dhe në pjesë të tjera të trupit, duke i shkaktuar lëndime vdekjeprurëse.

Me këto veprime i pandehuri ka kryer veprën penale “Vrasje e rëndë”.

Në dhomën e gjumit ishte prezent edhe bashkëshortja e tij, D.M, ku i pandehuri e godet edhe atë me thikë në krahun e majtë dhe në dorën e djathtë.

Me këto veprime i pandehuri ka kryer veprën penale “Lëndim i lehtë trupor”.

Gjithashtu i njëjti shkon edhe në dhomën tjetër ku ishte prezent djali i viktimës, M.M., duke e goditur disa herë me thikë në pjesë të ndryshme të trupit, duke i shkaktuar lëndime të rënda trupore.

Me këto veprime i pandehur ka kryer veprën penale “Vrasje në tentativë”.

Prokurori i rastit i ka propozuar Gjykatës kompetente, që i pandehuri C.I., të dënohet sipas ligjit për veprat penale të cilat i vihen në barrë.

KË DO VOTONI MË 25 PRILL?
  • KË DO VOTONI MË 25 PRILL?