Ish-mesfushori i Interit, Fredy Guarin ka thyer heshtjen ditën e sotme përmes një deklarate zyrtare në rrjetet sociale, tre ditë pas arrestimit të tij tê bujshëm. Reprezentuesi 34-vjeçar i Kolumbisë, aktualisht ka nënshkruar me ekipin e Millonarios u filmua i dehur dhe i mbuluar me gjak ndërsa u mor nga policia pasi familja e tij e akuzoi atë për dhunë ndaj tyre. Guarin, i cili luajti për Interin nga 2012 në 2016, tha se i falënderon të gjithë ata që e mbështesin atë në këtë moment të vështirë.
Unë dua të shpreh mirënjohje të përjetshme për familjen time, miqtë e mi, tifozët e mi, shokët e mi të ekipit dhe drejtuesit e klubit për solidaritetin dhe mbështetjen e pakushtëzuar në lidhje me situatën time aktuale personale dhe familjare. Lidhur me versionet që qarkullojnë në mediat sociale për atë që ka ndodhur, dua të sqaroj se ato që thuhen për anëtarët e familjes sime nuk janë të vërteta.
Unë kërkoj respekt për ta, veçanërisht për fëmijët e mi, të cilët nuk duhet të vuajnë pasojat e ekspozimit tim publik dhe as të veprimeve të mia. Sot, unë përballem me një nga ato ndeshjet e vështira, por jam i sigurt që me ndihmën e Zotit dhe atyre që më besojnë dhe më njohin, unë do ta fitoj atë. I vlerësova jashtëzakonisht shumë të gjitha mesazhet inkurajuese, të cilat më japin shpresën të përmirësohem dita ditës.
Burimi:footballitalia. Përktheu dhe përshtati:JOQ ALBANIA