Pasi miratuan masat e reja anti-covid, kryeministri i Kosovës, Albin Kurti dhe ministri i Shëndetësisë, Arben Vitia në një konferencë për media folën për sigurimin e vaksinave.Kurti tha se situata rreth sigurimit të vaksinave për Kosovën është më delikate.“Duhet ta kemi parasysh se Republika e Kosovës duke qenë se nuk njihet nga më pak shtete në botë, në mesin e së cilëve dy fuqitë e mëdha që janë edhe anëtare të Këshillit të Sigurimit, nuk e ka komoditetin e pranimit të vaksinave gjithandej siç po bëjnë disa shtete të tjera, por orientimi ynë është vropian dhe euroatlanik me shtetet të cilat na kanë njohur, andaj e kemi rezervën tonë e kemi skepticizmin tonë por njëkohësisht qëndrimin tonë të qartë karshi ofertave të ndryshme që mund të na vinë prej shteteve mosnjohëse e jasht Evropoës”, tha ai.Në Kosovë deri më tani kanë arritur vetëm 24 mijë doza të vaksinave Astra Zeneca, si pjesë e programit COVAX.Por ministri i Shëndetësisë tha se janë duke punuar në sigurimin sa më të shpejtë dhe në numër të madh të vaksinave.Vitia se varianti i ri britanik është shumëfish më i rrezikshëm sepse është më shpërndarës,derisa theksoi që i prek moshat e reja.Ai theksoi se gjendja aktuale në spitalet e Kosovës është e rëndë, derisa bëri thirrje për respektim të masave anti-covid.