Mbrëmjen e sotme në orën 20:45, Spanja do të përballet me Kosovën në ndeshjet kualifikuese për eliminatoret e Botërorit Katar 2022. Por Spanja është një ndër vendet që ende nuk e njeh Kosovën si shtet të pavarur dhe këtë e vë në dukje gjithmonë. Por duket se për ndeshjen e sotme është 'dorëzuar' dhe ka pranuar ta njohë, pasi i është drejtuar me emër. Ky vendim nga ana e Federatës së Futbollit në Spanjë (RFEF) vjen pas këmbënguljeve të shumta nga ana e Federatës së Futbollit të Kosovës, se edhe dardanët duhet të njihen dhe spanjollët të sillen me ta në të njëjtën mënyrë si me vendet e tjera.
Federata e Spanjës paralajmëroi në faqen e tyre në “Twitter” ndeshje ndaj Kosovës, duke iu referuar si shtet dhe natyrisht se në stadium do të jetë flamuri i Kosovës dhe do të intonohet himni. Por përsëri duket se edhe kjo njohje nuk është ashtu siç duhet, pasi emri i Kosovës është shkruar me gërma më të vogla në krahasim me atë të Spanjës. Ndërkohë kujtojmë se ditën e djeshme gjatë konferecës për shtyp një gazetar i medias spanjolle AS, i drejtoi një pyetje Challand por duke mos i përmendur emrin. Ndërsa përkthyesi i trajnerit insistoi fort deri sa gazetari përmendi emrin e Kosovës dhe vetëm atëherë Challand u përgjigj.
Kjo nuk është hera e parë që kjo media nuk e njeh Kosovën, pasi edhe pak ditë më parë në listën e grupit B ku Kosova dhe Spanja janë bashkë, nuk ishte emri i Kosovës krahas vendeve të tjera.
🚨 ¡¡ÚLTIMO PARTIDO DE LA CONCENTRACIÓN!!
⚽ ESPAÑA – Kosovo 🏆 Fase de Clasificación para #Catar2022 🏟 La Cartuja de Sevilla 📍 Sevilla 🕘 20:45 (hora peninsular española) 📺 @La1_tve #SomosEspaña #SomosFederación pic.twitter.com/7xVJlcLUpl
— Selección Española de Fútbol (@SeFutbol) March 31, 2021