Ilirjan Celibashi duket se po kalon kohën e tij më të artë. Natyrisht jo për nga aspekti professional, por nga aspekti monetary. Themi kështu, pasi tenderat në vlera stratosferike vazhdojnë të mos i ndahen. Kështu në rastin më të fundit, Ilirjan Celibashi ka organizuar tenderin e rradhës.
Kjo procedurë prokurimi ka si objekt “Siteme video monitorimi në qendrat e votimit”. Shikohet se ky tender ka si fond limit vlerën prej 310,689,530 lekësh të reja pa TVSH. Ndërkaq vihet re se në garë kanë marrë pjesë vetëm 3 kompani. Për habi të treja kanë ofruar thuajse vlera identike. Në praktikat ndërkombëtare, kur të gjithë garuesit ofrojnë vlera të ngjashme ka dyshime tepër të forta se tenderi është i manipuluar dhe se fituesi ka qenë i paracaktuar paraprakisht.
Në rastin konkret fituese është shpallur firma R & T në pronësi të shtetasit Renis Tërshana. Kjo kompani ka fituar me vlerën prej 309,805,780 lekë të reja pa TVSH, ose rreth 3.7 miliardë lekë të vjetra me TVSH. E shprehur në euro, kjo vlerë i kalon 3 milion eurot. Nga ana tjetër shikohet gjithashtu se vlera fituese është thuajse identike me vlerën e fondit limit, parkatësisht sa 99.71% e tij. Të gjitha sa më sipër ngrejnë dyshime të forta se tenderi ka aspekte që duhen hetuar.