Cristiano Ronaldo shënoi 3 gola në pjesën e parë të ndeshjes ndërmjet Juventusit dhe Cagliarit. Kujtojmë se superylli portugez ka marrë kritika të shumta pas eliminimit të Zonjës së Vjetër nga Liga e Kampionëve që në 1/8 nga Porto. Ai ka reaguar ndaj kritikëve me tre gola të shënuar në pjesën e pare, një me kokë, një nga penalltia dhe një gol super të bukur me këmbën e majtë. Por, ajo që ka nxitur reagime në rrjete sociale, ishte mënyra e festimit të CR7, i cili u drejtua nga kamerat dhe e drejtoi gishtin pranë veshit të tij.
Ndër të tjera, është raportuar se agjenti i 36-vjeçarit ka diskutuar me Florentino Perez për mundësinë e kthimit të Ronaldos te Real Madrid. Sipas mediave italiane, Juventusi është i gatshëm ta lejojë largimin e tij për 29 milionë, megjithatë drejtori Fabio Paratici ka thënë se Cristiano “përfaqëson të ardhmen e Juventusit”.