Rreth 2,000 familje që humbën një apo më shumë anëtar të familjes për shkak të Covid, kanë hedhur në gjyq kryeministrin britanik, Boris Johnson. Sipas mediave të huaja, grupi “Familjet e Mjeruara që Kërkojnë Drejtësi” kërkon të detyrojë qeverinë të kryejë një hetim publik për mënyrën se si Britania luftoi pandeminë. Deri më tani Johnson ka refuzuar të urdhërojë një ekzaminim ekspertësh rreth përgjigjes së qeverisë ndaj pandemisë së Covid-19, duke kërkuar që së pari të zvogëlohet rreziku i infeksioneve të reja. Ndërkohë, avokatët thonë se një numër i madh britanikësh ndërruan jetë për shkak të gabimeve të qeverisë dhe se hetimi gjithashtu duhet të kryhet për shkak të të drejtave të njeriut.
Burimi: www.dailymail.co.uk | Përktheu dhe përshtati: JOQ ALBANIA