Në konferencën e sotme Edi Rama deklaroi se ka marrë konfirmimin për 360 mijë vaksina Covid nga AstraZeneca. Gjithashtu kryeministri theksoi se pritet të mbërrijnë edhe 41 mijë doza të Pfizer të cilat do të vijnë brenda muajit mars. Ndërsa nuk e bëri të ditur emrin e shtetit mik që do të ofrojë 360 mijë vaksinat.
Rama tha:
Të rinjtë që po rriskohen të ruhen të mos shkelin masat anti-COVID. Ne nuk po bëjmë një proces sipas mendjes tonë. Ne po ndjekim strategji nga vendet e tjera, nga moshat më të mëdha e më poshtë, nga mjekët, mësuesit e policët. Ka pasur një rrëmujë në opinionin publik përsa i përket vaksinimit të personaliteteve. U vjen nga stresi i sasisë. Ne po luftojmë për sasinë, kemi marrë konfirmim për një sasi prej 360 mijë vaksina AstraZeneca. Me këto do zbresim më poshtë nga 80 vjeçarët. Jemi afër një sasie tjetër të konsiderueshme vaksinash. Ne do kemi të 41 mijë dozat e Pfizer brenda marsit dhe pastaj vazhdojmë në prill me vaksinat e tjera qoftë, Pfizer apo AstraZeneca. Ajo që na duhet tani është vula me shtetin mik për 360 mijë vaksinat. Unë pres çdo orë konfirmimin e takimit me kolegun tim. Edhe po nuk u bë, unë mund t’ju tregoj dokumentet që tregojnë takimin. Sot në mëngjes kemi pasur kontakt me një vend të tretë mik. Jam lypësi më i gjatë në planet.
