Pak javë më parë u publikuan foto dhe video ku një pjesë e misnistrave të Ramës po darkonin tek Nusreti, një nga restorantet më të njohura në Dubai. Në darkë merrnin pjesë Arben Ahmetaj, Belinda Balluku si dhe Arbjan Mazniku, Endri Fuga etje. Fotot shkaktuan një debat mjaft të ashpër në Shqipëri, pasi paratë e shqiptarëve po bëheshin rrush e kumbulla nëpër restorante luksoze ku darka shkon në disa mijëra euro. Aq më tepër që Shqipëria ndodhej në një situatë të vështirë dhe emergjente, pasi një pjesë e mirë e vendit ishte përmbytur dhe kërkohej ndërhyrje urgjente.
Menjëherë u tentua që darka të justifikohej me faktin se një pjesë e kabinetit qeveritar ndodheshin aty për punë dhe për të tërhequr investitorët në Shqipëri. Së fundmi burime për JOQ Albania bëjnë me dije se Belinda Balluku ndodhet sërish për darkë tek Nusreti. Qytetari dëshiron të mbetet anonim, ndaj vetëm ka raportuar në redaksinë tonë se Balluku është parë të darkojë në restorantin luksoz. Mesa duket sekti i rilindjes nuk duan t'ia dinë për gjendjen e qytetarëve dhe as i marrin parasysh ankesat e tyre. Epo si thotë populli: "Çudia më e madhe, tre ditë zgjat".
