JOQ Albania
App Store
SHKARKO
Home
JOQ Albania

Krijimi i Superligës Europiane, reagon ashpër FIFA: Çdo lojtar ose klub i përfshirë do të ndëshkohet
Shkruar nga: A Shehaj | Publikuar më: 21/01/2021 14:59

  • Share
  • Share
  • Share
  • Share

FIFA ka deklaruar ditën e sotme se nuk është dakord me iniciativën e klubeve të mëdha për krijimin e Superligës Europiane. Në një deklaratë për mediat FIFA dhe gjashtë konfederatat (AFC, CAF, Concacaf, CONMEBOL, OFC dhe UEFA) edhe një herë përsërisin dhe theksojnë fuqimisht se një konkurs i tillë nuk do të njihet nga FIFA ose konfederata përkatëse. Çdo klub ose lojtar i përfshirë në një garë të tillë si pasojë nuk do të lejohet të marrë pjesë në ndonjë garë të organizuar nga FIFA ose konfederata e tyre përkatëse.

Sipas statuteve të FIFA-s dhe konfederatave, të gjitha garat duhet të organizohen ose njohen nga organi përkatës në nivelin e tyre përkatës, nga FIFA në nivelin global dhe nga konfederatat në nivelin kontinental. Në këtë aspekt, konfederatat njohin Kupën Botërore të Klubeve FIFA, në formatin e saj aktual dhe të ri, si konkursin e vetëm në të gjithë botën për klube ndërsa FIFA njeh garat e klubeve të organizuara nga konfederata si garat e vetme kontinentale të klubeve.

Futbolli ka një histori të gjatë dhe të suksesshme falë këtyre parimeve. Pjesëmarrja në gara globale dhe kontinentale duhet të fitohet gjithmonë në fushë.