E teksa në Amerikë Trump po përgatitet të largohet nga posti i presidentit për t’ia lënë stafetën Joe Biden, mediat e huaja kanë vërejtur se Trump ka refuzuar ta ‘ndihmojë’ Biden lidhur me transportin. Mësohet se presidenti i ri, Joe Biden ka ‘zbarkuar’ në Uashington me një çarter. Arsyeja e kësaj është sepse Donald Trump, ka refuzuar që t’i dërgonte pasuesit të tij një avion të Air Force.
Kjo është e para herë që presidenti në ikje nuk i dërgon një mjet fluturimi pasuesit, teksa kujtojmë se në vitin 2017, Obama i dërgoi familjes Trump një avion të Air Force. Vlen për t’u theksuar se Trump nuk e njeh pasuesin e tij si fitues të zgjedhjeve presidenciale. Gjithashtu një tjetër detaj i rëndësishëm është se Trump, do të marrë me vete në shtëpinë e tij në Florida edhe valixhen kodeve bërthamore duke shkelur kështu rregullin e dorëzimit në momentin e inaugurimit të presidentit të ri. Deri më tani, në gjithë historinë amerikane, Trump bëhet presidenti i katërt në histori që nuk merr pjesë në inaugurimin e pasuesit.
Burimi: dailymail.co.uk/Përktheu dhe përshtati: JOQ Albania