Tre ditë më parë u regjistrua një aksident i rëndë pranë Ambasadës Italiane, ku u përplasën dy makina. Ngjarja ishte tepër e rëndë, pasi 2 kalimtarë të rastit shpëtuan për më pak se 1 sekondë nga vdekja e sigurt. Aksidenti u shkaktua nga një makinë e tipit BMW që drejtohej nga Stiverjan Dashi, i cila me një shpejtësi mbi 150 km/orë hyri me të kuqe dhe përplasi një makinë Skoda. Ndërkohë, disa çaste më parë janë publikuar disa detaje të reja në lidhje me shoferin e BMW-së që shkaktoi aksidentin e frikshëm. Vetëm në 3 muajt e fundit mjeti ka marrë 2 gjoba me komision për kalim semafori me të kuq dhe tejkalim shpejtësie. Shkelje mjaft të rënda të cilat shoqërohen me bllokim të mjetit dhe heqje patente, pasi janë të njëpasnjëshme si veprime që cënojnë sigurinë rrugore. E megjithatë, pavarësisht këtyre gjobave, i riu qarkullonte sërish nëpër rrugët e kryeqytetit, ndërsa në llogaritë e tij në rrjete sociale shihet edhe jeta luksoze që ai bën.