Siç ishte folur edhe më parë, Apple ka nisur projektimin e një iPhone-i të palosshëm, çka mund të konkurrojë pajisje të ngjashme nga Samsung dhe Motorola. Aktualisht Apple po teston disa ekrane të palosshme, por ende nuk ka zhvilluar një prototip të plotë celularësh, tha një person i njohur me projektin për Bloomberg. Ekranet prototip mbështeten në një menteshë të fshehur prapa një ekrani të vetëm, në vend të modelit me dy ekrane të ndara që bëjnë kompanitë e tjera. Një ekran i palosshëm do të ishte një hap i madh përpara për Apple, e cila ishte pioniere e telefonit inteligjent me prekje me prezantimin e iPhone-it të parë në 2007. Apple ka krijuar një mekanizëm unik që do të tërheqë ekranin në një kënd pak të ndezur rreth menteshave, një kënd presioni që është pak më i gjerë se sa aplikohet në pjesët e jashtme të ekranit.
Kur pajisja është e hapur, mentesha vendos dy kapakë të brendshëm mbështetës që rrotullohen nën ekran për ta mbajtur atë të tendosur dhe të sheshtë.
Burimi: Daily Mail | Përktheu dhe Përshtati: JOQ ALBANIA
