Barcelona dhe Lionel Messi kanë humbur apelin për kartonin e verdhë që mori argjentinasi pas dedikimit për Diego Maradonan. Messi festoi me fanellën e vjetër të Newell’s Old Boys, skuadër me të cilën të dy argjentinasit kanë luajtur në të kaluarën e tyre dhe për këtë veprim erdhi ndëshkimi.
Te Barcelona apeluan dënimin, por Federata e Spanjës nuk pranoi ta heqë këtë vendim, ndaj tani Messi duhet të paguajë dëmshpërblimin. Duke ndjekur artikullin 91-të të kodit disiplinor, Messi duhet të paguajë dënimin me vlerë 600 euro në muaj deri sa të plotësohet gjoba totale prej 3 mijë eurosh. Padyshim një shifrër modeste për Leo Messin, duke llogaritur fitimet marramendëse që ai përfiton.