JOQ Albania
App Store
SHKARKO
Home
JOQ Albania

Konflikti për borxhe mes dy ortakëve, flet pronarja e truallit: I kanë shitur hyrjet nga dy-tre herë
Shkruar nga: A Shehaj | Publikuar më: 13/01/2021 12:14

  • Share
  • Share
  • Share
  • Share

Ditën e sotme biznesmeni Sino Llanaj u qëllua me armë zjarri nga oratku i tij Albert Allmuça me të cilin ishte konflikuar pak ditë më parë. Konfliktet mes dy ortakëve ishin të shumta pasi dy biznesmenët janë në proces gjyqësor me njëri-tjetrin për një borxh të papaguar dhe truallit të pallatit i cili ndodhet në rrugën "Ndre Mjeda" në zonën e Ish-Parkut të autobusave në Tiranë. Por në lidhje me këtë ngjarje ka reaguar dhe një nga pronaret e tokës ku po ndërtohet kompleksi i banimit nga Llanaj dhe Allmuça. Jemine Durishti tha se biznesmenët i kanë shitur hyrjet nga dy ose tre herë, ndërkohë që ky i fundit ka për t’i dhënë dhe 4800 euro dhe se Albert Allmuça është i mbytur në borxhe.

Kam 4,800 euro për të marrë. Kam tre muaj që vij e ai më fshihet. Më thotë do t’i jap, se jam gjysh, se do marr kredi, unë i du se do të shtrohem në spital. Me Bertin (Albert Allmuça) e kam konfliktin. Kushedi sa njerëzve u ka marrë lekët dhe s’ua ka dhënë. I ka shitur nga dy-tre herë hyrjet. Është i mbytur në borxhe. Kushedi sa borxhe ka për të dhënë.