Berat Gjimshiti shumë shpejt mund të veshë fanellën e Milanit. Mbrojtësi i kombëtares shqiptare ka shkëlqyer në dy sezonet e fundit me Atalantën dhe cilësohet si një nga mbrojtësit më të fortë në Europë. Së fundmi, ai ka përfunduar në radarët e Milanit. Sipas mediave italiane, oferta e Milanit mund të joshë Gjimshitin që ka një kontratë deri në vitin 2023 me klubin e tij.
Ai vlen 15 milionë euro, një shifër që Milani nuk e ka problem, por duhet gjetur akordi me drejtuesit e Atalantës. Duhet thënë se mes palëve pas çështjeve Kaldara, Konti apo Kesi, ekziston një raport pozitiv, ndaj drejtuesit e “Djallit” kanë më shumë se një arsye për të tentuar afrimin e mbrojtësit të kombëtares së Shqipërisë. Lajmin e kanë bërë të ditur mediat italiane të cilat flasin për një këmbëngulje të drejtorit Maldini për shërbimet e mbrojtësit kuqezi.