Real Madridi nuk po ia del dot të rinovojë kontratën e qendërmbrojtësit dhe kapitenit, Sergio Ramos. Ylli spanjoll kërkon rinovim për dy vite me rritje page, ndërsa për “Los Blancos”, kjo ofertë shihet si e papranueshme. Reali i ka ofruar rinovim për një vit me pagë të njëjtë ose për dy vite me 10% zbritje, ndërsa Ramos i ka refuzuar të dyja ofertat.
Nga kjo situatë është duke përfituar Manchester Unitedi që ka shprehur interesim për qendërmbrojtësin dhe tashmë kanë përgatitur ofertën e parë. Sipas ekspertit të merkatos, Di Marzio, “Djajtë e Kuq” do t’i ofrojnë kontratë dyvjeçare me çdo pagë që e do lojtari. Ramos mund të tundohet dhe ta pranojë ofertën angleze.